| Profiel van 死八婆遇上死八公當雞蛋遇上石頭Foto'sWeblogLijsten |  Extra  Help |
|
20 mei 5月20日 星期六 陰天 哩幾日完全處於一個壓抑狀態
公司內部矛盾越嚟越多,而且將會變成惡化
我心裏面嘅鬥爭又無人明
好失敗..........
.........好無奈
點解會無人明?????????
係咪大家諗法已經唔再相同??????????
定係************* 5月13日 星期六 太陽,轉冷 今日係星期六,上次見老公嘅時候係星期日,唔覺唔覺都成個星期無見,今晚特登著咗件新背心出嚟,出面真係好凍,著到咁出嚟真係幾攞命,哩期極out,國際順聯咁大棟嘢起完兼開埋張我都仲蒙成成,今晚一定要去見識下...........好靚就唔算嘅,OK咁啦,一睇知賣貴嘢,但啲牌子無幾多個識,係我太out定係佢啲牌子唔夠國際性,老公話我睇HK雜誌唔會識哩D國內品牌,but我認,真的out了........
行完四層樓,無咩新發現,原本以為有嘅LV都無進駐`````````翻嚟嘅時候用咗廣發側邊條路行,老公話我聽,哩條叫"狂奔大道",何解?原來名嘅背後竟然與我有關,話說我同G快散嘅時候,G坐到頂唔順,就喺哩條路度狂跑,來回咁跑.......諗咗好耐,我竟然無印象有同G喺哩度附近坐過,而且我更加唔會同佢坐,每次坐得耐嘅無非就係嗌交講數,或隨食即遞門口分手,哈哈,諗番起以前,梗唔會忘記用心叼佢一下.
前幾日阿X add我,問我知唔知點解同佢同我都做唔成朋友,而阿Q就得,一個好好笑嘅問題,我當然知......而阿X到依家亦都知,其實當時佢口口聲聲話我係最後一個知,話唔會再比任何人知嗰陣,我已經唔信,我相信我同佢散咗之後,佢會繼續話比之後嘅GF知,太清楚佢喇,所以話太清楚一個人未必係好事,,,,,,當時我應承過佢唔同任何人講,我做到咗,佢反而係做唔到嗰個,一個hurt人最深嘅人,口口聲聲話唔再傷害"佢"而叫我保守秘密,然後最唔守得秘密,繼續hurt人嘅都係佢,每次淨會攞人哋最痛嘅傷疤去挽救自己嘅感情,good!!!! 5月13日 星期六 轉冷 聽講小峰側邊檔燒烤檔好正,雖然個口生卟卟,我決定以毒攻毒,,,,,,,,,yummy~~~~~牛扒好正,5個good滿分嘅話,我比5個good,但豆腐幹只可以比2個半good,雞肶就比2個good,嘻..........
老公個樣好煩咁,真係唔知點幫佢同開解佢,唉```````````好凍,好彩有佢攬住同檔風,唔係實凍死我~~~~~~~~~希望今晚瞓個好覺,today is sunday,亦都係一個工作日 5月12日 星期五 太陽,悶熱 哩個星期過得好混亂,展會嘅前期工作好煩鎖,淨盒仔嘅尺寸都量咗三四次,哩個只係開始,我相信今年將係毀滅性工作,唔做死唔罷休,今晚仲走翻去學校報考經濟數學基礎同埋成本會計,讀咗三年,當然唔想白白咁曬咗嗰一萬幾蚊學費啦,攞番張大學沙紙,揾工點都會好揾啲,面對住一大堆要計數又唔及格嘅科目,其實真係好頭痛,我真係可以咩??小燕鬧咗我好耐,無錯,前途緊要,而且聽講考試放松咗,再唔考就無機會,考期係7月15號,希望到時請倒假,我要為自己嘅前途努力,我唔甘心一世都好似依家咁........
報考完之後同小燕傾咗好多將來現實嘅問題,佢所講嘅,我都有諗過,甚至好憎自己咩都要婆婆媽媽```````````談話比老公嘅一個電話打斷咗,佢建完工打算出嚟揾我,我哋約咗喺福升,剛到無耐,佢就話我聽對鞋爛咗唔出嚟,幾失望咖!一個人,都嚟到咯,咪自己行下囉,好耐無行過街,好似條街越嚟越唔屬於我咁.........阿冰隔離間衫鋪好多人,忍唔住入去昅咗一昅,太多今年興嘅衫裙,令我開始討厭哩款衫,件件都咁上下,件件都無咩特色,後尾都係揀中咗一件一路以嚟我最鍾意嘅波點背心,有啲貴,但都買咗,上次廣州買嗰兩件真係太強差人意喇,今晚加加埋埋都用咗一百蚊多啲,係時候番屋企啦........ 2006年4月3日 今日有一個好消息,一個壞消息,唔知你哋想聽邊樣先?!
好消息,就係FF同阿霞好番,無事lor,其實對我嚟講,都唔算好,但都唔係壞ge消息
壞消息,阿大失戀........哩一個係我最估唔倒ge事,雖然個野比我印象唔似會溝唔倒女嗰種,但哩個事實,真係有D過份咯,好彩佢都良心發現! 2006年4月2日 好好瞓,可能真係好攰,又或者係天氣問題,一覺瞓到十一點幾,比阿娘傾電話ge音量嘈醒咗,我無即刻起身,偷偷哋聽住阿娘閑話家常,聽倒好多我以前細個發生ge事情,哩一切,我通通都記得,而且好深刻,又或者有部份事件令我至今感動,令我憎恨...........
稀客,阿霞add我,其實都好耐無同佢傾過計,更加無咩好同佢傾,一個自己嘅EX女友嚟add我,我諗正常人都唔會有太多嘢想同佢講,亦都無興趣去知佢哋ge嘢,今日佢話我聽,佢哋分咗手,如果比著以前,可能我會有些許幸災樂禍,但今時今日我已經有我自己鍾意ge人,對佢亦都無咩感覺,不過我不得不承認我仲好憎佢,可能佢同我嘅開始根本就係一個錯,而且錯得好緊要,喺佢未忘記EX ge時候同佢一齊(but我敢肯定一樣嘢,佢至今依然未忘記),最忍受唔倒對我朋友差ge人,最忍受唔倒忽略我感受ge人,最忍受唔倒心裏面有第個人ge存在.........最後只可以講句,只因我哋性格不合!可能由細到大阿娘太種我,令我咩事都好硬頸,咩都企得好硬無彎轉,so what!!!!!!!今日阿霞都同我肯定咗一件我一路以嚟都未肯定ge事情,當初因為佢,所以我哋分手,嗰一刻我只係冷笑咗一下,當日佢同我講ge廢話,表現得幾咁真誠,,,,,,,,哈哈,識咗幾年ge網友兼朋友,原來我一D都唔了解,不過例牌都要多謝佢哋兩公婆lor,唔係佢用佢個Q add我,大曬幸福,唔係佢令我加快接受現實,我諗我都唔會咁快走出哩個陰影!今日佢哋散咗,我無開心,亦都無唔開心,只會覺得係網上聽倒ge一件普通事
下午去咗M記食我最愛ge雞翅,太耐無食雞la,好好味,好正,不過有人食到我個袋都係雞碎,好鬼惡劣
由於今日係sunday,家庭日,街上見倒好多一家大細行街街,好sweet,特別係嗰啲手上抱住個得意ge BABY ge爹D媽咪,唔豬幾時我都會有個咁Q ge寶寶呢?! |
|||
|
|
